Almatyda ótken jyly 4 myńnan astam jańa kitap basylǵan

ALMATY. KAZINFORM - Almaty - elimizdiń mádenı astanasy. Bıyl maýsym aıynda Almatyda táýlik boıy jumys isteıtin úshinshi kitaphana ashyldy. Al ótken jyly megapolıste 4 myńnan astam jańa kitap basyldy.

QR Ulttyq memleketip kitap palatasynyń málimetine sáıkes, 2023 jyly kitap palatasyna baspa jáne baspa uıymdarynan 4012 kitap kelip túsken. Onyń ishinde: psıhologııalyq kitap – 78, jalpy bilim beretin mektepke arnalǵan oqýlyq – 220 kitap, kórkem ádebıettiń proza janrynda – 330 kitap. Qazaqstan tarıhy týraly – 142 kitap jaryq kórgen.

- 2023 jyly qazaq tilinde – 2543, orys tilinde – 1312, aǵylshyn tilinde – 130 kitap tirkelgen, - dep habarlady Kitap palatasynan.

Aıta ketken jón, bıyl megapolıste 10-shy ret Kitap Fest Almaty kitap festıvali uıymdastyrylady. Almaty qalasy Mádenıet basqarmasynyń qoldaýymen "BAURZHAN foundation" qory ótkizetin is-shara 14-15 qyrkúıek kúnderi Arbat alańynda ótedi. 2014 jyldan beri ótkizilip kele jatqan joba aıasynda búginge deıin belgili qazaqstandyq avtorlar men baspalardyń qatysýymen 500-ge jýyq kitap tanystyrylǵan.

Eske salaıyq, buǵan deıin Almatyda 20 jańa kitaphana ashylatynyn jazǵanbyz.