Almatyda ótken jyly 27,2 mlrd teńge ıgerilmegen

ALMATY. KAZINFORM — Almatyda qalalyq máslıhattyń kezekti XІX sessııasy ótti. Sessııa barysynda Almaty qalasy boıynsha tekserý komıssııasynyń tóraǵasy Altaı Berdiqulov ótken jyly megapolıste 27,2 mlrd teńge ıgerilmegenin aıtty.

Onyń ishinde: 

— Qurylys basqarmasy — 7,8 mlrd teńge;
— Qoǵamdyq densaýlyq saqtaý basqarmasy — 4,1 mlrd teńge;
— Qalalyq mobıldilik basqarmasy — 2,9 mlrd teńge;
— Energetıka jáne sýmen jabdyqtaý basqarmasy — 2,5 mlrd teńge;
— Bilim basqarmasy — 2,1 mlrd teńgeni ıgere almaǵan.

Sondaı-aq tekserý komıssııasynyń tóraǵasy 2023 jyly bıýdjet qarajatyn ýaqtyly ıgere almaǵan basqarmalar qarjy basqarmasymen birlesip qarjy tártibin jaqsartyp, tıisti shara qabyldaýy qajettigin atap ótti.

Eske salaıyq, buǵan deıin Almatyda zańsyz salynǵan iri qurylys nysany buzylyp jatqanyn jazǵanbyz.