Almatyda ótken «Jiger» festıvali erekshe qajettiligi bar myńnan astam qatysýshynyń basyn qosty

ALMATY. KAZINFORM – Almatyda «Sadu Arena» sport kesheninde qala ákimdiginiń qoldaýymen erekshe qajettiligi bar turǵyndarǵa arnalǵan «Jiger» sport festıvali ótti. Bul týraly Almaty qalasy Sport basqarmasynyń ókilderi habarlady.

Іs-sharanyń maqsaty - buqaralyq sportty damytýǵa qoldaý kórsetýge, ınklıýzııa mádenıetin nyǵaıtý men múmkindigi shekteýli jandardy qalanyń belsendi sporttyq ómirine tartý.

Festıval aıasynda shaǵyn fýtbol (TsP), armrestlıng, júgirý, júzý, shahmat jáne toǵyzqumalaq boıynsha jarys ótti.

Bıyl is-sharaǵa 1000-nan astam adam qatysty. Olar qalanyń túrli aýdanynan kelgen sportshylar, sondaı-aq, qoǵamdyq jáne sport uıymdarynyń ókilderi de boldy.

«Jiger» festıvali sportta shekara joq ekenin, onyń adamdardy fızıkalyq múmkindikterine qaramastan biriktire alatynyn kórsetedi. Mundaı is-sharalar ınklıýzııa rýhyn kúsheıtip, ár adam qoldaý men senimdilikti sezinetin orta qalyptastyrady», — dedi Almaty qalasy Sport basqarmasynyń basshysy Darhan Nurhanuly.

Aıta keteıik, Almatyda túrki elderiniń jastary jınalǵan KTK oıyny ótti.