Almatyda ótken Qazaqstan chempıonatynda semsermen aıqasýdan úzdikter anyqtaldy
ASTANA. KAZINFORM – Almatyda semserlesýden Qazaqstan chempıonaty aıaqtaldy. Týrnırdiń sońǵy medaldary semser qarýymen aıqasýda sarapqa salyndy.
QR UOK málimetinshe, erler arasynda Shyǵys Qazaqstan oblysynyń sportshysy Vadım Sharlaımov jeńiske jetti. Kúmis júldeni Shymkent qalasynyń ókili Elmır Álimjanov enshiledi. Qola medaldardy Shymkentten Ǵabıden Mustafın men Astanadan Aleksandr Fedotov ıelendi.
Áıelder arasyndaǵy jarysta Almaty qalasynyń sportshysy Sofııa Nıkolaıchýk top jardy. Kúmis júlde Polına Lısovskaıaǵa buıyrsa, Sofııa Aktaeva men Ýlıana Pıstsova úshinshi orynǵa turaqtady. Barlyq sportshy Almatynyń atynan óner kórsetti.
Jarystyń jalpy komandalyq esebi boıynsha birinshi oryndy Almaty quramasy ıelendi. Ekinshi oryn — Shymkentke, al úshinshi oryn — Qaraǵandy oblysyna buıyrdy.
Aıta keteıik, hokkeıden Qazaqstan quramasy álem chempıonatyna daıyndyǵyn jalǵastyryp jatyr.