Almatyda otyryp germanııalyq azamattyń bank shotyn tonaǵan kúdikti ustaldy

ASTANA. KAZINFORM – 9 jeltoqsanda Qazaqstannyń Ulttyq qaýipsizdik komıteti Bas prokýratýranyń úılestirýimen jáne Germanııanyń Federaldy qylmystyq polıtsııasymen birlesip kıberqylmysqa qarsy jedel is-shara júrgizdi. 

- Operatsııa barysynda Almaty oblysynda Qazaqstan azamaty ustaldy. Ol kompıýterlik tehnologııalardy paıdalana otyryp, bir azamattyń bank shottaryna jáne jeke derekterine zańsyz qol jetkizgen degen kúdikke ilindi, - dep jazdy UQK baspasóz qyzmeti.

Aldyn ala málimet boıynsha, kúdiktiniń áreketinen keltirilgen materıaldyq zalal birneshe júz myń eýrony quraıdy.

Tintý kezinde oqıǵaǵa qatysty tehnıkalyq derekterdi saqtaý qurylǵylary jáne ózge de zattaı dáleldemeler tárkilendi.

Qazirgi ýaqytta tergeý is-sharalary jalǵasyp jatyr.

Aıta keteıik, Semeı turǵynyn aldamaq bolǵan alaıaqtar birden úsh memlekettik organ atyn jamylǵan.