Almatyda Otan qorǵaýshylar kúni men Jeńistiń 80 jyldyǵy qalaı ótedi

ALMATY. KAZINFORM – Almatyda Otan qorǵaýshylar kúnine jáne Jeńistiń 80 jyldyǵyna arnalǵan merekelik is-sharalar barlyq aýdanda 7-10 mamyr aralyǵynda ótedi.

Алматыда Отан қорғаушылар күні мен Жеңістің 80 жылдығы қалай тойланады
Фото: Алматы әкімдігі

Qala ákimdigi merekelik is-sharalar baǵdarlamasyn usyndy:

Almaly aýdany

8 mamyrda saǵat 11:00-de Jeńis alleıasynyń saltanatty ashylýy, aǵash otyrǵyzý. Ótetin orny – Tóle bı jáne Amangeldi kósheleriniń qıylysy.

9 mamyr kúni saǵat 12:00-de Músirepov atyndaǵy balalar men jasóspirimder teatrynyń alańynda Jeńis kúnine arnalǵan merekelik kontsert ótedi.

Almatyda Otan qorǵaýshylar kúni men Jeńistiń 80 jyldyǵy qalaı toılanady
Foto: Almaty ákimdigi

Medeý aýdany

7 mamyrda saǵat 11:00-de 28 panfılovshy-gvardııashylar saıabaǵynda Jeńistiń 80 jyldyǵyna arnalǵan aýqymdy áskerı sherýdiń tikeleı kórsetilimi bolady.

Saǵat 12:00-de Medeý aýdanynyń 28 gvardııashy-panfılovshylar atyndaǵy saıabaǵynda aýdannyń shyǵarmashylyq ujymdarynyń qatysýymen merekelik kontsert ótedi. Іs-shara aıasynda 300 oqýshy merekelik sherýge qatysady.

9 mamyrda saǵat 09:30-da 28 Panfılov saıabaǵynda Máńgilik alaýǵa gúl shoqtary qoıylady. Sondaı-aq, osy kúni saǵat 16:00-de Medeý aýdanynyń shyǵarmashylyq ujymdarynyń qatysýymen merekelik kontsert bolady..

Mereke kúni 9 mamyrda eriktiler «Jeńis lentasyn» taratady.

Almatyda Otan qorǵaýshylar kúni men Jeńistiń 80 jyldyǵy qalaı toılanady
Foto: Almaty ákimdigi

Bostandyq aýdany

8 mamyr saǵat 8:30-da Jas Qanat saıabaǵyndaǵy Jeńistiń 80 jyldyǵyna arnalǵan senbilik. Saǵat 11:00-de Nur-Alataý shaǵyn aýdanyndaǵy obelıskke gúl shoqtary qoıylady.

Áýezov aýdany

8 mamyr kúni saǵat 09:00-de soǵysqa qatysqan baýyrlastar zıratyna gúl shoqtaryn qoıý rásimi ótedi (Raıymbek dańǵyly, 235).

9 mamyr kúni saǵat 11:00-de Family park aýmaǵynda áskerı-ınjenerlik ınstıtýttyń úrmeli orkestriniń qatysýymen «Eshkim de, eshteńe de umytylmaıdy» atty merekelik kontsert ótedi.

Almatyda Otan qorǵaýshylar kúni men Jeńistiń 80 jyldyǵy qalaı toılanady
Foto: Almaty ákimdigi

Alataý aýdany 

7 mamyrda saǵat 10:00-de Alataý aýdany ákimdiginiń aldynda «Er esimi - El esinde» eskertkishine gúl shoqtaryn qoıý rásimi ótedi. Sodan keıin saǵat 11:00-de «Alataý» dástúrli óner teatrynyń aldyndaǵy alańda Otan qorǵaýshylar kúnine (7 mamyr) jáne Jeńis kúnine (9 mamyr) arnalǵan kontserttik baǵdarlama ótedi.

8 mamyr kúni saǵat 10:00-de Zerdeli shaǵyn aýdany 1/78 úı Ardagerler alleıasynyń ashylýy.

Túrksib aýdany

8 mamyrda saǵat 10:00-de aýdanda eskertkishter men memorıaldarǵa gúl shoqtaryn qoıý saltanatty rásimi ótedi.

Іs-sharaǵa aýdan ardagerleri, QR Qurlyq áskerleri Áskerı ınstıtýtynyń ókilderi, mektep oqýshylary, JOO jáne kolledj stýdentteri qatysady.

Sondaı-aq, 8 mamyr kúni saǵat 10:00-de Jas Qanat shaǵyn aýdanynda Ardagerler alleıasy ashylady.

9 mamyr kúni saǵat 11:00-de Sáken Seıfýllın atyndaǵy saıabaqta Jeńis kúnine arnalǵan qazaqstandyq estrada juldyzdarynyń qatysýymen kontsert, estradalyq-sımfonııalyq orkestrdiń qoıylymy jáne dástúrli sarbaz botqasy bar ardagerlerge arnalǵan merekelik túski as ótedi.

Almatyda Otan qorǵaýshylar kúni men Jeńistiń 80 jyldyǵy qalaı toılanady
Foto: Almaty ákimdigi

Jetisý aýdany

7 mamyrda saǵat 09:00-de Ortalyq zırattaǵy belgisiz sarbaz eskertkishine gúl shoqtaryn qoıý rásimi ótedi (Raıymbek dańǵyly 235).

8 mamyr kúni saǵat 13:00-de Kókmaısa shaǵyn aýdany Ardagerler alleıasynyń ashylady.

9 mamyr kúni saǵat 10:00-de ál-Farabı alańynda (Aınabulaq shaǵyn aýdany) qazaqstandyq estrada juldyzdarynyń qatysýymen kontserttik baǵdarlama uıymdastyrylady.

Naýryzbaı aýdany

8 mamyr kúni saǵat 9:00-de Naýryzbaı aýdanynyń №187 mektebiniń (Jandosov kóshesi, 2) aýmaǵynda Jeńistiń 80 jyldyǵyna arnalǵan Ardagerler alleıasy saltanatty túrde ashylady. Іs-shara aıasynda soǵys batyrlaryn eske alyp, aǵash otyrǵyzylady.

9 mamyr kúni saǵat 11:00-de Amfıteatrda (Shuǵyla shaǵyn aýdany, 347) merekelik is-shara ótedi. Kontsert baǵdarlamasynda kórme, dala ashanasy jáne sarbaz botqasy taratylady.

Osyǵan deıin Astanada ótetin Jeńis parady týraly jazǵan edik.

 

Сейчас читают