Almatyda órtenip jatqan kópqabatty úıden 12 adam qutqaryldy
ALMATY. KAZINFORM – Aqbulaq shaǵyn aýdanynda ornalasqan turǵyn keshenderdiń birinde 4-shi qabattaǵy páterdiń balkonynan órt shyqty.
Almaty qalasy Tótenshe jaǵdaılar departamentiniń habarlaýynsha, 15 mamyr saǵat 14:45-te on qabatty úıdiń tórtinshi qabatyndaǵy páterden órt shyqty.
Jalyn 15 sharshy metr jerdi sharpyp, besinshi qabattyń balkonyna aýysqan.
– TJD kúshimen baspaldaq marshymen qutqarý qalpaqshasynyń kómegimen 12 adam, onyń ishinde 1 bala qutqaryldy. Tútinge ýlanyp qalǵan 1946 jyly týǵan zeınetker aýrýhanaǵa jatqyzyldy,– dep habarlady vedomstvodan.
Órtti sóndirýge 32 maman men 10 tehnıka jumyldyryldy.
Osyǵan deıin Almatyda eki qabatty ǵımarat órtengen bolatyn.
