Almatyda órtengen úıdiń jertólesinen es-tússiz jatqan adam tabyldy

ASTANA. KAZINFORM — Almaty qutqarýshylary dereý reanımatsııalyq sharalar jasap, er adamnyń ómirin saqtap qaldy, dep habarlaıdy TJM baspasóz qyzmeti.

Almatydaǵy qutqarýshylar Jetisý aýdanyndaǵy Belorýsskaıa kóshesine shaqyrtýmen bardy.

Turǵyn úıdiń jertólesinde turmystyq zattar janyp, qoıý tútin paıda bolǵan.

— Barlaý kezinde qutqarýshylar jertóleden es-tússiz jatqan 1973 jyly týǵan er adamdy taýyp, syrtqa alyp shyqty. Oqıǵa ornynda olar dereý reanımatsııalyq sharalar jasap, ony ómirge qaıtardy. Keıin er adam jedel járdem qyzmetine tapsyryldy. Órt tolyǵymen sóndirildi, — delingen habarlamada.

Osyǵan deıin Almatyda dúken órtenip, 5 adamǵa medıtsınalyq kómek qajet bolǵanyn jazdyq.