Almatyda Ortalyq kóshesi birneshe túnge jabylady
ALMATY. KAZINFORM — Saın kóshesin Úlken Almaty aınalma avtomobıl jolyna deıin uzartý aıasynda Alataý aýdanyndaǵy Ortalyq kóshesiniń bir bóliginde kólik qozǵalysy ýaqytsha shekteledi.
Almaty ákimdiginiń málimetinshe, 29 qazan men 3 qarasha aralyǵynda saǵat 23:00–den 06:00–ge deıin Arýana kóshesinen Saın kóshesine deıingi aralyqta jol jabylady.
Atalǵan ýchaskeni Arýana kóshesimen ońtústik baǵytta, Mádenıet shaǵynaýdanyndaǵy kóshemen shyǵys baǵytta jáne Saın kóshesimen soltústik baǵytta aınalyp ótýge bolady.
Jóndeý jumystary júrgiziletin aýmaqta eskertý jol belgileri ornatylady. Ákimdik júrgizýshilerjen jol júrý baǵytyn aldyn ala josparlaýdy suraıdy.
Eske salaıyq, Almatyda Abylaı han dańǵyly men Momyshuly kóshesi ýaqytsha jabylatyny aıtyldy.
