Almatyda Ortalyq Azııa men Eýropa elderiniń derekti fılmder forýmy ótip jatyr
ALMATY. KAZINFORM – Ortalyq Azııa men Eýropa elderi derekti fılm túsirý boıynsha áriptestikti jandandyrmaq. Shara 2-7 maýsym aralyǵynda ótedi.
Almatyda tájirıbe almasý, mańyzdy máselelerdi talqylaý jáne seriktestik qatynastardy ornatý úshin biregeı alańǵa aınalǵan Eurasiadoc-ta derekti fılmder forýmy ótip jatyr.
Frantsııanyń QR-daǵy bas konsýly Fabrıs Neveniń qatysýymen forýmnyń resmı ashylý rásimi 5 maýsymda saǵat 09:00-de «Almaty creative» kreatıvti ındýstrııalardy damytý ortalyǵynda bolady.
Onda atalǵan memleketterdiń prodıýserlik ortalyqtary, televızııalyq jáne kınokompanııalary tanystyrylady.
Sondaı-aq Armenııa, Qyrǵyzstan, Qazaqstan, Ózbekstan jáne Tájikstannan 12 derekti joba usynylady.
«Maqsat ― derekti fılmderdi birlesip shyǵarý múmkindikterin ashý úshin ártúrli elderdiń mamandaryn biriktirý», - dedi DocMonde baǵdarlamasynyń menedjeri Bıanka Fonte.
