Almatyda órt sóndirý kólikterine jol bermegen júrgizýshilerge aıyppul salyndy

Almatyda órt sóndirý kólikterine oqıǵa ornyna tez jetýine múmkindik bermeı, jol erejesin buzatyn avtokólikterdiń sany kóbeıgen, dep habarlaıdy Kazinform.

Almaty qalalyq tótenshe jaǵdaılar departamentiniń málimetinshe, órt sóndirý tehnıkasynyń kedergisiz júrýi men shaqyrý ornyna jyldam jetýin qamtamasyz etý maqsatynda qalalyq TJD men qalalyq polıtsııa departamentiniń jergilikti polıtsııa qyzmeti birlesip bıyl 14 reıd uıymdastyrǵan.

"Órt sóndirý tehnıkalary qalanyń kóshelerimen júrgen kezde basqa da jol qozǵalysyna qatysýshylar durys áreketter kórsetti. Alaıda, órt sóndirý tehnıkasynyń kedergisiz ótýine kedergi keltirgen 4 fakti tirkeldi jáne 4 ákimshilik hattama toltyryldy (QR «Ákimshilik quqyq buzýshylyq týraly» Kodeksiniń 595-babynyń 3-bóligi - Jol júrisi qaǵıdalarynyń jol júrýdiń basym quqyǵyn paıdalanatyn kólik quralyna jol berý talabyn oryndamaý). Ákimshilik aıyppuldyń jalpypy somasy - 101 myń 775 teńge (29 AEK) qurady", - dep habarlady TJD-nyń baspasóz qyzmeti.

TJD-da sondaı-aq qala kósheleri men turǵyn úı aýlalarynda jeke avtokólikterdiń qaptap turýy da mańyzdy másele ekenine nazar aýdardy.