Almatyda órt shyqqan úıden 9 adam qutqaryldy

ALMATY. KAZINFORM - Almaty qalasynyń Túrksib aýdanynda 3 qabatty kóppáterli turǵyn úıdiń 1 qabatynda órt shyqty.

QR Tótenshe jaǵdaılar mınıstrliginiń málimetinshe, shaqyrtý ornyna jetken soń órt sóndirýshiler baspaldaq marshymen 5 adamdy evakýatsııalady. Úsh tizeli baspaldaqtyń kómegimen 2-shi qabattan 3 azamat qutqaryldy. MÓSB-4 bólimshesiniń komandıri Farhat Ýshýrov janyp, otqa oranǵan páterden 1-shi toptaǵy múmkindigi shekteýli azamatty qutqardy.

Aýmaǵy 25 sharshy metr bolǵan órt saǵat 08:47-de sóndirildi.

Eske salsaq, jaqynda Almatyda naızaǵaı saldarynan jer úı órtengen edi.