Almatyda órt shyqqan balalar úıinen 35 adam evakýatsııalandy
ALMATY. KAZINFORM - Almaty ákimi Darhan Satybaldy órt shyqqan «Perzent» jeke qaıyrymdylyq balalar úıine bardy.
Almaty ákimdiginiń málimetinshe, oqıǵa ornynan 35 bala men qyzmetkerler der kezinde evakýatsııalandy. Zardap shekkender joq.
– Balalar qaýipsiz oryndarǵa ornalastyryldy, olarǵa qajetti kómek pen qoldaý kórsetilip jatyr, - delingen habarlamada.
Oqıǵa ornynda Almaty ákimi Darhan Satybaldy jáne qalalyq qurylymdyq bólimderdiń basshylary júr.
– Qazirgi tańda ýaqytsha ornalastyrý, tamaqtandyrý jáne materıaldyq qoldaý sharalary qamtamasyz etilip jatyr. Jaǵdaı baqylaýda, - dep habarlady ákimdiktiń baspasóz qyzmeti.
TJM jalynnyń 1000 sharshy metr alańda sóndirilgenin málimdedi.
Buǵan deıin Almatyda balalar úıindegi órt oqshaýlanǵanyn jazǵanbyz.
Eske salaıyq, buǵan deıin Almaty qalasynda órt sóndirýshiler Naýryzbaı aýdany Altyn orda kóshesi boıynda ornalasqan ǵımarattaǵy órtti sóndirip jatqanyn habarlaǵan edik.