Almatyda órt kezinde gaz ballony jarylyp, bir adam kóz jumdy
ASTANA. KAZINFORM — 12 maýsymda tún ortasyna taman Túrksib aýdanynda bolǵan órtke bara jatqan jolda órt sóndirý kólikteriniń biri aýdarylyp qaldy, dep habarlaıdy qalalyq TJD.
Abyroı bolǵanda, zardap shekkender joq. Tehnıka der kezinde kóterilip, onyń tehnıkalyq jaǵdaıy qalypty ekeni anyqtaldy.
Órtke qarsy bólimsheler oqıǵa ornynda joǵary dárejemen jumys istep jatyr. Jedel shtab quryldy, birneshe baǵyt boıynsha órtti sóndirý jumystary júrgizildi. 15 tehnıka men 50-den astam qyzmetker jumyldyrylǵan.
Órt sóndirýshilerdiń naqtylanǵan aqparaty boıynsha, Mejdýnarodnaıa kóshesinde birneshe menshik ıesine tıesili barak tıptes turǵyn úıde órt shyǵyp, jalyn tórt menshik ıesine tıesili kórshi úı men jýynatyn oryn jáne sharýashylyq qurylysyna taraǵan. Jalpy janý aýmaǵy 500 sharshy metrden asady.
— Órtti sóndirý kezinde gaz ballony jarylǵan, alaıda jeke quram arasynda zardap shekkender joq, qaýipsizdik tehnıkasy saqtalǵan. Qabyldanǵan jedel sharalardyń nátıjesinde saǵat 00:55–te órt aýyzdyqtaldy. Órt sóndirý kezinde bir adamnyń máıiti tabyldy. Qazirgi ýaqytta órtti joıý jumystary jalǵasýda, — delingen vedomstvo taratqan aqparatta.
Buǵan deıin Petropavldaǵy tergeý ızolıatorynda otyrǵan kúdikti ózin órtegeni belgili boldy.