Almatyda opyrylǵan joldan keıin tehnıkalyq qadaǵalaý kompanııasy akkredıtteýden aıyryldy
ALMATY. KAZINFORM – Almatynyń qala qurylysyn baqylaý basqarmasy ıAssaýı jáne Dastan kósheleriniń qıylysynda opyrylǵan asfalttan soń Dostyq shaǵynaýdanynda ınjenerlik jelilerdiń qurylys nysandaryna jospardan tys tekseris júrgizdi.
— Tehnıkalyq qadaǵalaý fýnktsııalaryn júzege asyrǵan «Alataý sapa qurylys» JShS-ne tıisti baqylaý júrgizbegeni úshin ákimshilik sharalar qoldanyldy. Tekseris qorytyndysy boıynsha tehnıkalyq qadaǵalaý ózine qatysty qyzmetti durys atqarmaǵany úshin akkredıttelý týraly kýáliginen aıyryldy, — dep habarlady basqarma.
Budan basqa, merdiger uıym — «SPETsKOMMÝNSTROI» JShS-ne qatysty jobalyq sheshimderden aýytqý jáne qurylys salasyndaǵy memlekettik normatıvterdiń talaptaryn saqtamaǵany úshin anyqtalǵan buzýshylyqtardy joıýǵa nusqama bere otyryp, ákimshilik sharalar qabyldandy.
Munyń aldynda Ábish Kekilbaıuly kóshesinde káriz jelisin qaıta jańartýdy júrgizgen AsiaMax qurylys kompanııasynyń lıtsenzııasynan aıyrylǵany týraly habarlaǵanbyz.
Eske salaıyq, buǵan deıin Almaty ákimi Darhan Satybaldy jol tóseminiń shógýi jáne jekelegen ýchaskelerde jıektastyń negizsiz aýystyrylýyna baılanysty Áýezov jáne Medeý aýdandarynyń ákimderine qatań sógis jarııalaǵan edi.