Almatyda opyrylǵan jol úshin merdiger jaýapqa tartyldy
ALMATY. KAZINFORM – Almatynyń qala qurylysyn baqylaý basqarmasy Saın, Shalıapın, ıAssaýı jáne Jandosov kósheleriniń aýmaǵynda ınjenerlik jelilerdi júrgizip jatqan merdiger uıymǵa qatysty jospardan tys tekseristiń nátıjesin habarlady.
Vedomstvo málimetinshe, tekseris barysynda «SpetsStroı Grýpp LTD» JShS birqatar qurylys normasyn buzǵany anyqtaldy. Atap aıtqanda, transheıalardyń qııa betkeıleri bekitilmegen, jergilikti dymqyl topyraq qabattap nyǵyzdalmastan qaıta kómilip, keıbir ýchaskelerde transheıaǵa jer asty sýlary tolyp qalǵan.
- Amanjol jáne ózge de kóshelerde ınertti materıal tóselmegendikten, topyraqtyń tyǵyzdalý deńgeıi talapqa saı bolmaı shyqty. Sonyń saldarynan jaýyn-shashyn kezinde jol jabyndysy otyryp, tereń shuńqyrlar paıda boldy, - dep habarlady basqarma.
Qala qurylysy baqylaý basqarmasy merdiger uıymǵa anyqtalǵan kemshilikterdi 2025 jyly 8 qazanǵa deıin joıý jóninde nusqama berdi. Eger belgilengen merzimde talaptar oryndalmasa, is sotqa joldanyp, zań aıasynda protsessýaldyq sheshim qabyldanady.
Eske salaıyq, Amanjol kóshesinde jol jabyny opyrylyp, 13 avtokólik zaqymdandy.