Almatyda onkologııalyq aýrýlardy emdeýge arnalǵan radıofarmpreparattar shyǵarylady
ALMATY. KAZINFORM –Almaty ákimi Darhan Satybaldy jumys sapary aıasynda QR Atom energııasy jónindegi agenttiginiń ıAdrolyq fızıka ınstıtýtyna bardy.
Bul - atom energııasyn beıbit maqsatta paıdalaný salasynda ǵylymı-zertteý jáne tájirıbelik-konstrýktorlyq qyzmettiń tolyq tsıkli bar eldegi jalǵyz ǵylymı uıym. Munda irgeli jáne qoldanbaly zertteýler júrgiziledi, jańa tehnologııa ázirlenedi, óndiris jumys isteıdi jáne atom salasyna mamandar daıarlanady.
Qala basshysy zamanaýı zerthanalardyń jáne tájirıbelik qondyrǵylardyń jumysymen tanysty. Olardyń arasynda VVR-K zertteý reaktory, radıohımııa jáne ızotoptar óndirisi jónindegi ǵylymı-tehnıkalyq ortalyq bar. Instıtýtta onkologııalyq aýrýlardy dıagnostıkalaý men emdeýge arnalǵan radıofarmpreparattar shyǵarylady. Búginde Qazaqstandaǵy radıofarmatsevtıkalyq ónimniń shamamen 85%-yn osy ınstıtýt óndiredi. Preparattar Almaty, Astana, Shymkent, Semeı medıtsınalyq uıymdaryna jetkiziledi, sondaı-aq ónerkásiptik radıoızotoptar Reseı, Germanııa, AQSh jáne Frantsııaǵa eksporttalady.
Instıtýt bazasynda MAGATE men AQSh Energetıka mınıstrliginiń qoldaýymen ashylǵan úsh oqý ortalyǵy jumys isteıdi. Osy ýaqyt ishinde munda shamamen 5000 maman daıarlandy. Instıtýt 30-dan astam halyqaralyq ǵylymı qurylymdar jáne ýnıversıtettermen seriktestik ornatqan, al 2023 jyly CERN ǵylymı kollaboratsııasyna qosyldy.
Ákim ıAdrolyq fızıka ınstıtýtynyń maman daıarlaý, ǵylymı áleýetti damytý jáne halyqaralyq seriktestikti keńeıtý baǵytyndaǵy rólin atap ótti. Ol ǵylymnyń qalanyń ózekti mindetterin sheshýge ıntegratsııalanýy asa mańyzdy ekenin aıtty. Ǵylymı uıymdar, joǵary oqý oryndary jáne qalalyq qyzmetterdiń ózara is-qımyly júıeli bolýǵa tıis.
Darhan Satybaldy Memleket basshysy Qasym-Jomart Toqaevtyń jergilikti atqarýshy organdardyń bilim berý jáne zertteý ortalyqtarymen tyǵyz yntymaqtastyǵyn qamtamasyz etý týraly tapsyrmasyn eske saldy. Osyǵan baılanysty ákim ınstıtýtqa qalalyq ınfraqurylymǵa arnalǵan sheshimder men ınnovatsııalyq tehnologııany engizýdi qamtıtyn birlesken jobalar boıynsha naqty usynystar usynýdy tapsyrdy.
Aıta keteıik, onkologııalyq kómekke arnalǵan bıýdjet kólemi sońǵy 3 jylda 6 esege ulǵaıǵan.