Almatyda Ońǵarsynova kóshesiniń bóligi 1 aıǵa jýyq ýaqytqa jabylady

ALMATY. KAZINFORM – 5 maýsym men 30 maýsym aralyǵynda qurylys jumystaryna baılanysty Qojabekov kóshesinen Aqberen kóshesine deıin Ońǵarsynov kóshesiniń boıynda kólik qozǵalysy ýaqytsha shekteledi.

Almaty qalasynyń Energetıka jáne sýmen jabdyqtaý basqarmasynyń málimetinshe, bul aýmaqta káriz jelisiniń qurylys júredi. Jabylǵan kóshe bóligin almatylyq júrgizýshiler Nesibe, Bes Arys, Bórili Baıraq, Qojabekov jáne Aqberen kósheleri arqyly aınalyp óte alady.

- Joba aıasynda uzyndyǵy 34,9 shaqyrym bolatyn magıstraldy káriz kollektory salynady. Ol Naýryzbaı jáne Alataý aýdandaryndaǵy 175 myńnan astam turǵyndy, sondaı-aq Almaty oblysynyń Qarasaı jáne Іle aýdandaryndaǵy 20 myńǵa jýyq adamdy ortalyqtandyrylǵan káriz júıesine qosýǵa múmkindik beredi, – dep habarlady basqarmadan.

Eske salaıyq, 20 shildege deıin Bógenbaı batyr kóshesiniń bir bóligi, sondaı-aq 30 maýsymǵa deıin Túrksib aýdanynda Kotelnıkov kóshesiniń bir bóligi jabyldy.

Sonymen qatar 1 maýsymnan bastap 20 tamyzǵa deıin Sátpaev kóshesimen Masanchı kóshesinen bastap Baıtursynov kóshesine deıin eki baǵytta qozǵalys shekteledi. 2 maýsymnan bastap 20 tamyzǵa deıin Ǵabdýllın kóshesinde Rımskıı-Korsakov kóshesinen bastap Nahımov kóshesine deıin eki baǵytta qozǵalys shekteldi.