Almatyda óndiriletin basty ónim qandaı

ALMATY. KAZINFORM – Almatynyń ındýstrıaldy aımaǵynda jumys isteıtin kásiporyndar 2023 jyly 801,3 mlrd teńgeniń ónimin óndirgen. Onyń ishinde óndiris qýattylyǵy boıynsha mashına jasaý salasy alda tur. Bul týraly Almaty qalasy Kásipkerlik jáne ınvestıtsııalar basqarmasy habarlady.

- 2024 jyldyń tamyz aıyndaǵy jaǵdaı boıynsha Almaty qalasynda iri salalardyń biri - mashına jasaý, atap aıtqanda, avtomobıl óndirisi salasy. Tek 2023 jyldyń ishinde 48 857 kólik quraly shyǵaryldy, - dep habarlady basqarmadan.

Sondaı-aq, Kásipkerlik basqarmasynyń málimetine sáıkes, sońǵy 3 jyl ishinde, ıaǵnı 2021-2024 jyldary Almaty qalasynda 57 kásiporyn iske qosylǵan. Onyń ishinde 27 kásiporyn ótken jyly ashyldy.

Eske salaıyq, buǵan deıin Almaty kásipkerleri jyl basynan beri 2 trln teńgege jýyq salyq tólegenin jazǵanbyz.