Almatyda Oljas Súleımenovtiń shyǵarmashylyǵyna arnalǵan kórme ótti
ALMATY.KAZINFORM - Almaty Museum of Arts mýzeıinde kórnekti aqyn, qoǵam qaıratkeri, dıplomat ári zertteýshi Oljas Súleımenovtiń 90 jas mereıtoıyna arnalǵan mádenı is-shara ótti.
Jıynǵa mádenıet pen óner qaıratkerleri, jazýshylar, arhıv isiniń mamandary jáne aqyn shyǵarmashylyǵynyń janashyrlary qatysty.
Mádenıet jáne aqparat mınıstrligi málimetinshe, kezdesýde Oljas Súleımenovtiń qazaq ádebıeti men mádenıetine qosqan úlesi, qoǵamdyq qyzmeti jáne shyǵarmashylyq murasynyń mańyzy sóz boldy.
Іs-shara aıasynda aqynnyń ómiri men shyǵarmashylyq jolynyń ár kezeńinen syr shertetin arhıvtik fotoqujattar kórmesi uıymdastyryldy. Búginde arhıv qorynda Oljas Súleımenovke qatysty júzge jýyq qujat saqtaýly.
Mádenı is-sharany Ortalyq memlekettik kıno-fotoqujattar jáne dybys jazbalary arhıvi Almaty Museum of Arts mýzeıimen jáne ıÝNESKO aıasyndaǵy Mádenıetterdi jaqyndastyrý halyqaralyq ortalyǵymen birlesip uıymdastyrdy.
Búgin aqyn, jazýshy, ádebıettanýshy, kórnekti túrkitanýshy ári dıplomat Oljas Súleımenov 90 jasqa tolǵanyn jazǵan edik.
