Almatyda alǵashqy moped tirkelip, nómir aldy
ALMATY. KAZINFORM — Almatyda alǵashqy moped júrgizýshisi kóliktiń tehnıkalyq tólqujatyn jáne memlekettik tirkeý nómirin aldy.
Almaty qalasy Polıtsııa departamentiniń málimetine sáıkes, 11 qańtardan bastap pılottyq joba aıasynda mopedterdi tirkeýge ruqsat beretin erejeler kúshine endi.
— 2024 jyly «Jol qozǵalysy týraly» zańǵa túzetýler engizildi. Endi moped júrgizýshileri jol qozǵalysynyń tolyqqandy qatysýshylaryna jatady jáne olarǵa barlyq zań talaptary qoldanylady. QR Іshki ister mınıstrligi olardy tirkeý úshin qajetti qujattardyń tizbesin ázirledi. Zań talaptaryn buzbaý úshin mopedterdi tirkeý jáne A1 sanatyndaǵy júrgizýshi kýáligin alý qajettigin habarlaımyz, — dedi Almaty qalasy PD Ákimshilik polıtsııa Basqarmasy Protsessıng ortalyǵynyń basshysy Aıdyn Merkimbaev.
Eske salaıyq, buǵan deıin 2025 jyldyń 4-shi sáýirinen bastap, moped júrgizýshilerine qatysty ózgerister iske qosylatynyn jazǵanbyz.