Almatyda oqý-jattyǵý barysynda granata merziminen buryn jarylyp ketken
ASTANA. KAZINFORM — Atalǵan derek boıynsha qyzmettik tekserý júrgizilip jatyr, dep habarlaıdy qalalyq polıtsııa departamentiniń baspasóz qyzmeti.
Vedomstvo málimetinshe, Almatyda josparly oqý-jattyǵý barysynda jaryq-dybystyq granatanyń merziminen buryn iske qosylý faktisi tirkeldi.
— Tehnıkalyq sıpattaǵy oqıǵa bolǵan aýmaqta bólimshe qyzmetkerlerine der kezinde medıtsınalyq kómek kórsetildi. Atalǵan derek boıynsha qyzmettik tekserý júrgizilip jatyr. Áleýmettik jeliler men jekelegen aqparat kózderinde taraǵan qyzmetkerlerdiń jappaı zardap shekkeni jáne olardyń aýyr halde ekendigi týraly málimetter shyndyqqa sáıkes kelmeıdi. Osyǵan baılanysty azamattardy tek resmı aqparatqa súıenýge shaqyramyz jáne jalǵan aqparat taratqany úshin zańnamada kózdelgen jaýapkershilik bar ekenin eske salamyz, — delingen habarlamada.
Buǵan deıin Aqtóbede bir jylda jarylǵysh zat týraly 20 jalǵan habarlama túskenin jazǵanbyz.
