Almatyda oqıtyn stýdentter úshin salqyndatqyshy joq vagondar bólingen

ATYRAÝ. KAZINFORM – Almatyda oqıtyn Atyraý jáne Mańǵystaý oblystarynyń stýdentter úshin salqyndatqyshy joq vagondar bólingen.

Kólik mınıstrliginiń málimetinshe, oqý jyly qarsańynda stýdentterdi tasymaldaýǵa arnalǵan qosymsha vagondar iske qosylǵaly otyr. 

«Bul jumys «Jolaýshylar tasymaly» aktsıonerlik qoǵamymen birlese júrgiziledi. Jańa oqý jyly qarsańynda batys óńirler turǵyndarynyń suranysyna sáıkes qosymsha marshrýttardy iske qosý týraly sheshim qabyldandy. Poıyzdar Aqtaý jáne Atyraý qalalarynan shyǵyp, Almaty qalasyna deıin stýdentterdi tasymaldaıdy. Kondıtsıonerleri qarastyrylǵan jańa vagondar jazǵy ýaqytta elimizdiń aýmaǵy boıynsha basqa baǵyttarǵa qatynaıdy. Sol sebepti joǵaryda atalǵan vagondarda kondıtsıoner júıesi bolmaıdy. Temirjol jáne sý kóligi komıteti jas jolaýshylardan qolaısyzdyqtar úshin aldyn-ala keshirim suraıdy», -delingen mınıstrliktiń aqparatynda.

Máselen, Aqtaý-Almaty baǵytynda qosymsha 360 jolaýshyǵa arnalǵan 8 jolaýshy vagony qatynaıdy. Bul baǵyttaǵy vagon 21 tamyz kúni Aqtaýdan shyǵyp, 23 tamyz kúni Almatyǵa jetedi.
Al, Atyraý-Almaty baǵytyna temirjolshylar qosymsha 3 vagon qosady. Bul vagondar 540 jolaýshyǵa arnalǵan. Atyraý-Almaty baǵytynda poıyzdar 16, 18, 20 jáne 22 tamyzda qatynaıdy.

«Stýdentter Aqtaý jáne Atyraý qalalarynyń vokzaldarynan temirjol bıletterin satyp ala alady. Stýdentterdiń ótinishterine sáıkes Kólik mınıstrligi qosymsha vagondar qoıýǵa daıyn. Bıyl jańa vagondar parki 140 birlikke jańartylady. Kelesi jyly taǵy 226 jańa vagon keledi. Vagondar parkin jańartý jumystary jalǵasady», -dep habarlady mınıstrlikten.

Eske sala keteıik, Ózbekstan Koreıadan 6 júrdek elektr poıyzyn satyp alatyny habarlanǵan edi.