Almatyda oqıtyn 221 myń stýdenttiń 145 myńy ózge óńirlerden kelgen
ALMATY. KAZINFORM – Almatyda 200 myńnan astam stýdent bilim alyp jatyr.
Almaty qalasy jastar saıasaty basqarmasynyń málimetinshe, megapolıstiń joǵary oqý oryndarynda 221 myńnan astam stýdent bar, olardyń 145,4 myńy – ózge óńirlerden kelgen jastar. Qazirgi ýaqytta qalada 46,2 myń orynǵa arnalǵan 136 jataqhana jumys isteıdi. Degenmen, shamamen 11,6 myń oryn tapshylyǵy saqtalyp otyr.
Jańa jataqhanalar qurylysyn úılestirý maqsatynda el boıynsha biryńǵaı jobalyq keńse qurylǵan. 2023–2025 jyldary jobalyq keńse aıasynda Almatyda stýdentterge arnalǵan 43 nysan qoldanysqa berildi.
Atap aıtqanda:
– 2023 jyly 3 969 oryndyq 14 jataqhana;
– 2024 jyly 4 304 orynǵa arnalǵan 16 nysan;
– 2025 jyly 4 500 oryndyq 13 jańa jataqhana ashyldy.
Eske salaıyq, byltyr Almatyda ahýaldyq jáne daǵdarys ortalyqtaryna qansha stýdent júgingenin jazǵanbyz.