Almaty oblysynda júk kóligi transheıaǵa qulap ketti
QONAEV. KAZINFORM – Almaty oblysy Іle aýdany Boraldaı aýylynda júk kóligi qazylǵan shuńqyrǵa qulap ketti.
Oqıǵanyń beınejazbasy áleýmettik jelide tarady.
Almaty oblysynyń polıtsııa departamenti jer qazý jumystary barysynda samosvaldyń transheıaǵa qulaýy boıynsha tekserý bastalǵanyn habarlady.
- Aldyn ala derekterge sáıkes, sý qubyryn júrgizý kezinde topyraq opyrylyp, sodan keıin jumysty ashyq ádispen júrgizý týraly sheshim qabyldanǵan. Qyrkúıektiń 25-ine qaraǵan túni avtojoldyń bir bóligi ýaqytsha jabylǵan. Alaıda biraz ýaqyttan keıin jóndeý jumystaryna arnalǵan ystyq asfaltty tasyp kele jatqan samosval paıda bolǵan orǵa túsip ketken, - dep habarlady polıtsııadan.
Qazirgi ýaqytta polıtsııa qyzmetkerleri oqıǵanyń barlyq mán-jaıyn anyqtap jatyr. Jaýapty tulǵalardyń is-áreketterine quqyqtyq baǵa beriledi.
Eske salaıyq, buǵan deıin Almatyda jol jabyny opyrylyp, 13 avtokólik zaqymdandy.