Almatyda oblysynda kortej uıymdastyryp, jol erejesin buzǵandar 10 táýlikke qamaldy
QONAEV. KAZINFORM – Almaty oblysynda jol erejesin óreskel buzǵan júrgizýshiler ustaldy.
Qarasaı aýdanynda bir top azamat jol erejelerin elemeı kortej uıymdastyrǵan. Olar óz áreketin beınejazbaǵa túsirip, áleýmettik jelige jarııalaǵan. Bul jaǵdaıǵa oblystyq polıtsııa departamenti nazar aýdarǵan.
Tártip saqshylary úsh quqyq buzýshy Ákimshilik kodekstiń birneshe baby boıynsha jaýapkershilikke tartylǵanyn habarlady.
Atap aıtqanda, Qarasaı aýdanynyń turǵyndary — Toyota Land Cruiser avtokóliginiń júrgizýshisi Aıdos Nogaı, VAZ avtokóliginiń júrgizýshisi Rınat Onalbekov jáne Mercedes-Benz avtokóliginiń júrgizýshisi Damır Ihan sot sheshimimen 10 táýlikke qamalǵan.
— Polıtsııa mundaı áreketterge jol berilmeıtinin eskertedi. Zań men tártip qaǵıdasy tolyǵymen qamtamasyz etiledi, — dep habarlady departamentten.
Eske salaıyq, buǵan deıin Qyzylordada jol erejesin óreskel buzǵan toı korteji sapyndaǵy 10 kólik aıyp turaǵyna qoıyldy.
