Almatyda Nur-Muqasan tobynyń ánshisi soqqyǵa jyǵyldy — polıtsııa is qozǵady
ALMATY. KAZINFORM — Áleýmettik jelide Nur-Muqasan tobynyń jańa múshesi Ǵalymjan Súleımen soqqyǵa jyǵylǵany týraly aqparat tarady.
Jelide taraǵan beınejazbada Ǵalymjan Súleımen ózin 3 adamnyń uryp-soqqanyn, onyń ishinde Nur-Muqasan tobynyń burynǵy múshesi Muqasan Shahzadaev bar ekenin aıtqan. Onyń sózinshe, kıkiljiń top oryndaıtyn ánderdiń avtorlyq quqyǵyna baılanysty týyndaǵan.
Almaty qalasy polıtsııa departamenti bul derek boıynsha qylmystyq is qozǵalǵanyn habarlady.
— 2025 jyldyń 22 qarashasynda Naýryzbaı aýdandyq polıtsııa basqarmasyna jergilikti turǵyn azamat M. jáne ózge de birneshe tulǵalardyń tarapynan oǵan dene jaraqatyn salý deregi boıynsha aryzben júgindi. Atalǵan derek boıynsha qylmystyq is qozǵaldy. Oqıǵanyń barlyq mán-jaıyn anyqtaýǵa baǵyttalǵan keshendi tergeý is-sharalary júrgizilip jatyr. QR zańnamasyna sáıkes tıisti sharalar qabyldanady, — dep málimdedi departamentten.
Eske salaıyq, buǵan deıin Qazaqstanda bloger Mellstroy-ǵa izdeý jarııalandy.