Almatyda notarıýstardyń qyzmetine 500-deı shaǵym túsken
ALMATY. KAZINFORM – Ádilet departamenti 2025 jyldyń birinshi jartyjyldyǵynda júrgizilgen baqylaý men qadaǵalaý jumysynyń qorytyndysyn shyǵardy.
Almaty qalasy ádilet departamentiniń basshysy Balaıym Kesebaevanyń aıtýynsha, shaharda qazir 964 notarıýs jumys isteıdi. 6 aıda notarıýstardyń áreketine qatysty 419 shaǵym túsken. Sonyń negizinde 4 notarıýstyń lıtsenzııasy toqtatylyp, taǵy 8-i tártiptik jaýapkershilikke tartylǵan.
– Sonymen qatar notarıýstardyń 23-ine notarıaldyq qyzmetterdi oryndaý kezinde zań buzýshylyq jasaǵany úshin ákimshilik is qozǵaldy. Byltyr mundaı istiń sany 18 bolǵan, - dedi Balaıym Kesebaeva.
Sondaı-aq ol Almatyda advokattar sany 1 100 adam ekenin atap ótti. Qorǵaýshylar ústinen jarty jylda 11 shaǵym túsken. Onyń negizinde bireýine tártiptik jaza qoldanylsa, jeke sot sheshimi boıynsha taǵy bir advokat aıyptalyp, sógis alǵan. Bir is zań buzbaǵanyna baılanysty toqtatyldy. Sot sheshimimen úsh advokat lıtsenzııasynan aıyrylyp, taǵy eki advokat basqa sebeppen jumysyn toqtatty.
Eske salaıyq, buǵan deıin Almaty qalasynyń ádilet departamenti neke jáne ajyrasý aktileriniń sanyna baılanysty málimet jarııalady.