Almatyda nóser jańbyr jaýyp tur
ALMATY. KAZINFORM - Almatyda jańbyr quıyp tur. Sınoptıkterdiń boljaýynsha, nóser úsh kún toqtaýsyz jaýady.
Almaty ákimdiginiń málimetinshe, jaýyn-shashyn kezinde motopompa, shants quraldarymen jabdyqtalǵan 52 jedel mobıldi brıgada kezekshilikke shyǵady.
Sondaı-aq 2500 qap qum daıyndalady.
Kúndiz jaýyn-shashyn kezinde barlyǵy 465 birlik arnaıy tehnıka, 28 motopompa jáne 810 jumysshy, al túngi ýaqytta 236 birlik arnaıy tehnıka jáne 215 jumysshy jumyldyrylady.
Sýdyń kedergisiz aǵyp ketýin qamtamasyz etip, sý basýdyń aldyn alý úshin 320 jumysshy men 92 birlik arnaıy tehnıka aryq jelilerin, aryq ótkelderin tazalaý boıynsha josparly jumys júrgizedi. Kún saıyn aryqtan 250 tekshe metr laı jáne qoqys shyǵarylady.
Qutqarýshylar kún raıynyń buzylýyna baılanysty júrgizýshilerge kólikterin aǵashtyń túbi men jol jıekterine qoımaýǵa shaqyrdy.
