Almatyda NEF Qazaqstan basshysyna izdeý jarııalandy

ALMATY. KAZINFORM – Qazaqstan Іshki ister mınıstrligi NEF Qazaqstan basshysy Oskaı Tarykqa izdeý jarııalady. 

Quqyqtyq statıstıka jáne arnaıy esepke alý organdary portalynyń málimetinshe, Almaty polıtsııasy NEF Qazaqstan kompanııasynyń basshysy Taryk Volkan Oskaıdyń izdep jatyr. 

Qylmystyq is 2024 jyldyń 18 sáýirinde Almaty qalasynda tirkelgen. 

Almaty qalalyq Polıtsııa departamentinen atap ótkendeı, alaıaqtyq faktisi boıynsha Bostandyq aýdandyq polıtsııa basqarmasynda qylmystyq is tergelgen.

– Qylmystyq is boıynsha azamat O. syrttaı kúdikti retinde tanyldy. Keıinnen sot oǵan qatysty «qamaýda ustaý» túrindegi bultartpaý sharasyn syrttaı sanktsııalady. Qazirg kúdiktiniń turǵan jerin anyqtaýǵa jáne ony ustaýǵa baǵyttalǵan jedel-izdestirý sharalary júrgizilip jatyr, - dep túsindirdi qalalyq polıtsııanyń baspasóz qyzmeti.

2022 jyly Astana International Exchange (AIX) alańy NEF Qazaqstan kompanııasynyń 6 mlrd teńge kóleminde alǵashqy oblıgatsııalaryn ornalastyrǵanyn málimdegen bolatyn. 

Alaıda,2023 jyly kompanııa AIX platformasynda alǵash ret defoltqa jol berdi – ol 4 mlrd teńgeden asatyn negizgi qaryzdy, sondaı-aq 402 mln teńge kólemindegi kýpondyq tólemdi óteý boıynsha óz mindettemelerin oryndaı almaǵan.