Almatyda Naýryznama baǵdarlamasyna ne engizildi
ALMATY. KAZINFORM – Almatyda 14-23 naýryz aralyǵynda Naýryz meıramyna arnalǵan aýqymdy mádenı-kópshilik is-sharalar ótedi. Bıyl merekelik baǵdarlama «Naýryznama» tujyrymdamasy aıasynda uıymdastyrylyp, qala boıynsha 200-den astam is-sharany qamtıdy.
Almaty ákimdiginiń málimetinshe, negizgi merekelik alańdar Astana alańynda, Abaı alańynda, Jibek joly dańǵylynyń júrginshiler bóliginde jáne Panfılov kóshesinde ornalasady.
Aýdandaǵy merekelik alańdar:
• Alataý aýdany – ALMATY ARENA muz saraıynyń aýmaǵynda;
• Almaly aýdany – M. Gandı atyndaǵy saıabaqta;
• Áýezov aýdany – Saıran kóliniń batys jaǵalaýynda;
• Bostandyq aýdany – Tuńǵysh Prezıdent saıabaǵynda;
• Jetisý aýdany – Almaty ıppodromynda;
• Medeý aýdany – Pýshkın kóshesindegi júrginshiler alleıasynda;
• Túrksib aýdany – S. Seıfýllın atyndaǵy saıabaqta;
• Naýryzbaı aýdany – aýdan ákimdigi aldyndaǵy alańda.
Merekelik baǵdarlamanyń negizgi kúnderi 21-23 naýryz aralyǵynda ótedi. On kún boıy qala turǵyndary men qonaqtary úshin kontsertter, teatrlandyrylǵan qoıylymdar, kórmeler, mádenıet qaıratkerlerimen kezdesýler, sondaı-aq qazaq halqynyń salt-dástúrleri kórsetiledi.
Qalanyń basty alańdary men barlyq segiz aýdannyń merekelik oryndary Naýryz merekesine arnaıy bezendiriledi: kıiz úıler tigilip, taqyryptyq shaǵyn sáýlettik nysandar ornatylady.
14 naýryz – Kórisý kúni (Amal merekesi)
12:00 – Naýryz merekesiniń saltanatty ashylýy jáne «Kóktóbedegi kórisý» atty kontserttik baǵdarlama (Kóktóbe). Sahnada qazaqstandyq estradanyń tanymal ónerpazdary – Mádına Sádýaqasova, Aıgúl Qosanova, «Tumar», «Made in KZ», «KeshYou», «Alataý serileri» toptary, sondaı-aq «Alataý» dástúrli óner teatrynyń artısteri óner kórsetedi. Bul kúni Almaty turǵyndary men qonaqtaryn aýdıodrondardyń qatysatyn erekshe quttyqtaýǵa kýá bolady. (Kóktóbege baratyn aspaly jol 10:00-den 15:00-ge deıin tegin bolady.)
15 naýryz – Qaıyrymdylyq kúni
«Jaqsylyq jasa» qaıyrymdylyq aktsııasy – erekshe qajettiligi bar balalardyń Almaty zoologııalyq baqqa barýy;
Memlekettik ortalyq mýzeıde HÁOT sanatyndaǵy balalarǵa arnalǵan qaıyrymdylyq ekskýrsııa;
11:00 – «Senim» belsendi uzaq ómir súrý ortalyǵynda (AlmaCity 5 TÚK, Altyn Orda kóshesi, 6/38B) shyǵarmashylyq ujymdardyń qatysatyn «Qaıyrymdylyq kúni» atty kontserttik baǵdarlama;
11:00 – «Baqytty otbasy» áleýmettik ortalyǵynda (Qalqaman-2 shaǵynaýdany, Sypataı batyr kóshesi, 55) «Júrek jylýy» qaıyrymdylyq kontserti;
12:00 – N. Sats atyndaǵy orys memlekettik akademııalyq balalar men jasóspirimder teatry repertýaryndaǵy spektakldiń ınternattardaǵy, balalar úılerindegi, sondaı-aq az qamtylǵan jáne kópbalaly otbasylardyń balalaryna arnalǵan qaıyrymdylyq kórsetilimi (Oqýshylar saraıy, Dostyq dańǵyly, 124);
15:00 – Sats ComUnity balalar teatr stýdııasynyń múmkindigi shekteýli balalarǵa arnalǵan №2 mektep-ınternatynda qaıyrymdylyq spektakl kórsetilimi;
15:00 – Respýblıkalyq memlekettik akademııalyq koreı teatrynda qazaqtyń halyq ertegisi «Qoshqar men teke» spektakliniń qaıyrymdylyq kórsetilimi;
Jambyl atyndaǵy Memlekettik akademııalyq fılarmonııa solısteriniń №1 Balalar úıiniń tárbıelenýshilerine arnalǵan kóshpeli kontserti.
Sonymen qatar qalanyń barlyq aýdanynda ardagerlerge kómek kórsetý, muqtaj otbasylarǵa azyq-túlik sebetterin tabystaý syndy ataýly qaıyrymdylyq aktsııalary uıymdastyrylady.
16 naýryz – Mádenıet jáne ulttyq salt-dástúr kúni
10:00 – qazaq halqynyń salt-dástúrine arnalǵan mýzykalyq-teatrlandyrylǵan qoıylym: «Súıinshi suraý», «Balaǵa at qoıý», «Besikke salý», «Tusaýkeser», «Betashar» (Naýryzbaı aýdanynyń Innovatsııalyq shyǵarmashylyq ortalyǵy).
16:00 – Qazaq memlekettik tsırkinde «Aýdaryspaq» jáne asyq atý syndy ulttyq oıyndar ótkiziledi.
Sonymen qatar qalanyń barlyq aýdanynda qazaq halqynyń ulttyq dástúri men ádet-ǵuryptaryna arnalǵan kezdesýler men taqyryptyq is-sharalar ótedi. Qala turǵyndary úshin ulttyq qolóner boıynsha sheberdiń sabaqtary, salt-dástúrleri, sondaı-aq oqýshylar daıyndaǵan buıymdardyń kórme-jármeńkeleri uıymdastyrylady. Kórmelerde kıiz úı elementteri, toqyma buıymdary, zergerlik áshekeıler jáne basqa da qolóner týyndylary tanystyrylady.
17 naýryz – Shańyraq kúni
10:00 – «Otbasy qundylyqtary» atty dóńgelek ústel (Nurkent shaǵynaýdany, 5, «Baqytty otbasy» ortalyǵy).
11:00 – «Naýryz – Ulystyń uly kúni» atty ádebı sholý jáne poezııa keshi (№1 balalar kitaphanasy).
11:00 – «Otbasy qundylyqtary» taqyrybyndaǵy dóńgelek ústel: ata-analarmen, ardagerlermen jáne qurmetti aqsaqaldarmen kezdesý (Tóle bı kóshesi, 160, «Shyńǵa órle, bıikke samǵa» ortalyǵy).
11:00 – «Shańyraq» otbasyn qoldaý ortalyǵynyń qatysýymen is-shara (Otbasyn qoldaý ortalyǵy, Rozybakıev kóshesi, 250).
11:00 – Naýryzbaı aýdany «Baqytty otbasy» ortalyǵy qatysýshylaryna arnalǵan forým (Júnisov kóshesi, 10).
11:00 – «Bir shańyraq astynda» atty dóńgelek ústel (Saǵı Áshimov kóshesi, 206a, «Shyńǵa órleý» áleýmettik ortalyǵy).
12:00 – kópbalaly otbasylarǵa arnalǵan N. Sats atyndaǵy orys memlekettik akademııalyq balalar men jasóspirimder teatry repertýaryndaǵy spektakldiń qaıyrymdylyq kórsetilimi (Oqýshylar saraıy).
18 naýryz – Ulttyq kıim kúni
10:00 – Memlekettik arhıvte «Ulttyq kıimdi dáripteý» atty ulttyq kıimder kórsetilimi (Chýlanov kóshesi, 159).
11:00 – «Etno-Fashion» ulttyq kıimder kórsetilimi (Alatau Creative Hub).
11:00 – «Úzdik ulttyq obraz» baıqaýy (Family Park, Ulyqbek kóshesi, 57A).
11:00 – Almaty temirjol kóligi tehnıkalyq-ekonomıkalyq kolledji stýdentteri arasynda «Úzdik ulttyq obraz» baıqaýy (Áýezov aýdany, Jetisý-1 shaǵynaýdany, 32v úı).
11:00 – «Armysyń, áz-Naýryz – jańa kún!» etno-folklorlyq keshi (Áýezov atyndaǵy kitaphana).
11:00 – «Ulttyq sezim – kıimmen» atty ulttyq kıimder kórsetilimi (Raıymbek dańǵyly, 174).
11:00 – «Naýryz – elge nur, jerge bereke» atty kontserttik baǵdarlama (Begalın atyndaǵy kitaphana).
Oqýshylar saraıynda N. Sats atyndaǵy orys memlekettik akademııalyq balalar men jasóspirimder teatry spektaklderindegi ulttyq naqyshtaǵy kostıýmder men ulttyq kıimder kórmesi uıymdastyrylady.
Sondaı-aq, Arbatta Jetisý aýdany ákimdiginiń uıymdastyrýymen ulttyq kıimder men áshekeı buıymdarynyń kórmesi ótedi.
19 naýryz – Jańarý kúni
Qalanyń barlyq aýdanynda aǵash egý aktsııasy ótedi.
20 naýryz – Ulttyq sport kúni
10:00 – «Sport – dostyq alańy» sporttyq is-sharasy (Tuńǵysh Prezıdent saıabaǵy).
10:00 – mektep oqýshylary men ardagerler keńesiniń qatysýymen ulttyq sport túrlerinen jarystar (Gúlder saıabaǵy).
10:00 – Naýryz merekesine arnalǵan toǵyzqumalaqtan ashyq qalalyq týrnır (Ulttyq jáne at sporty túrleri boıynsha sport klýby).
10:00 – Naýryz merekesine arnalǵan qazaq kúresinen qalalyq týrnır («Astana» alańy).
10:00 – «Sport – dostyq alańy» jobasy aıasyndaǵy buqaralyq sporttyq is-shara (Aınabulaq dene shynyqtyrý-saýyqtyrý kesheni).
10:00 – «Naýryz – sport merekesi» sporttyq is-sharasy (Kemel dene shynyqtyrý-saýyqtyrý kesheni).
11:00 – Almaty qalasyndaǵy múmkindigi shekteýli azamattar arasynda Naýryz merekesine arnalǵan «Asyq atý», «Tymaq urý», «Láńgi», «Gir tasyn kóterý» jarystary (Ortalyq mádenıet jáne demalys saıabaǵy).
11:00 – «Sport – dostyq alańy» sport oıyndary (Atletter aýyly).
21-23 naýryz aralyǵynda ótetin is-sharalardyń jospary qosymsha usynylady.
Eske salaıyq, buǵan deıin Astanada Naýryz merekesine oraı 200-den astam is-shara ótetinin jazǵanbyz.