Almatyda Naýryz merekesine baılanysty birneshe kóshe ýaqytsha jabylady

ALMATY. KAZINFORM – Almaty kóshelerinde birneshe kúnge kólik qozǵalysyna ýaqytsha shekteý engiziledi.

19-23 naýryz aralyǵynda Tóle bı kóshesiniń Nazarbaev dańǵylynan Abylaı han kóshesine deıingi bóligi jabylady. Oǵan baılanysty bul kúnderi 10 qoǵamdyq kólik baǵytynyń qozǵalys syzbasyna ózgeris engiziledi.

- Bul №16, 37, 48, 126, 201, 205, 206, 209, 210 jáne 224 baǵyttary. Astana alańyn shyǵys baǵytynda Qabanbaı batyr kóshesi arqyly, batys baǵytta Bógenbaı batyr kóshesi arqyly aınalyp ótetin bolady. Al №16 jáne 126 baǵyttar bul aýmaqty Gogol kóshesi arqyly aınalyp ótedi, - dep habarlady ákimdikten.

Sonymen qatar 22 naýryzda saǵat 06:00-den 11:30-ǵa deıin Nazarbaev dańǵylynan Dostyq dańǵylyna deıin Abaı dańǵyly ýaqytsha jabylady.

Eske salaıyq, buǵan deıin týrıster áz-Naýryzdy birden eki elde – Qazaqstan men Ózbekstanda qarsy alatynyn jazǵanbyz.