Almatyda Muratbaev jáne Jandosov kósheleri birneshe kúnge jabylady
ALMATY. KAZINFORM - Almatyda birneshe kóshede kólik qozǵalysy shekteledi.
Almaty ákimdiginiń málimetinshe, Jandosov kóshesiniń bir bóliginde ortasha jóndeý jumystarynyń júrgizilýine baılanysty kólik qozǵalysyna ýaqytsha shekteý engiziledi.
19 tamyz saǵat 23:00-den 23 tamyz saǵat 23:00-ge deıin qala shekarasynan Dáýletkereı kóshesine deıingi ýchaskede reversıvti qozǵalys uıymdastyrylady. Jol jartylaı jabylady.
Odan bólek Muratbaev kóshesiniń bir bóliginde ortasha jóndeý jumystarynyń júrgizilýine baılanysty kólik qozǵalysyna ýaqytsha shekteý engiziledi. 20 tamyz saǵat 08:00-den 26 tamyz saǵat 08:00-ge deıin Raıymbek batyr dańǵylynan Maqataev kóshesine deıingi ýchaskede kólik qozǵalysy jabylady.
- Jóndeý jumystary júrgiziletin aýmaqta eskertý belgileri jáne merdiger uıym basshysynyń baılanys deregi kórsetilgen aqparattyq taqta ornatylady. Baǵytyńyzdy aldyn ala josparlaýdy suraımyz, - dep habarlady ákimdikten.
Eske salaıyq, Almatyda qyrkúıekte 3 kósheniń uzartylǵan ýchaskeleri ashylady.
