Almatyda múgedekter arbasyn tegin jóndeıtin ortalyq jumys isteıdi

Almatyda múmkindigi shekteýli jandardyń kreslo-arbalaryn tegin jóndep beretin ortalyq bar. Sheberhana 470 múgedek adamǵa qyzmet kórsetti, dep habarlaıdy QazAqparat tilshisi.

Almaty qalalyq jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasovtyń aıtýynsha, 2023 jyly kreslo-arbalardy jóndeý boıynsha keminde 600 qyzmet kórsetý josparda bar.

«Múgedek jandarǵa jáne múmkindigi shekteýli balalarǵa qosymsha «Invataksı» qyzmetteri usynylady. «Invataksı» qyzmetimen qamtamasyz etý 100 avtokólikke memlekettik áleýmettik tapsyrys arqyly júzege asyrylady, sondaı-aq «ıAndeks taksı» agregatory arqyly qyzmetti iske asyrý boıynsha pılottyq joba iske qosyldy, bul qyzmetke muqtaj adamdardy qamtýdy ulǵaıtýǵa múmkindik berdi», - dedi Baýyrjan Jaýbasov.

Sonymen qatar múgedek adamdardy jan-jaqty qoldaý jáne olardy qoǵamǵa ıntegratsııalaý úshin qalada 2020 jyldan bastap «Ten Qogam» áleýmettik qoldaý ortalyǵy jumys isteıdi.

«Osy jyly áleýmettik jobanyń aýqymyn keńeıtý úshin Almaty qalasy boıynsha 7 ortalyq ashý jóninde sharalar qabyldandy. Jyl basynan beri «Ten Qogam» ortalyqtarynda 3 065 adamǵa qyzmet kórsetildi», - dedi basqarma basshysy.