Almatyda mototsıkl qaǵyp ketken áıeldiń jaǵdaıy aýyr

ALMATY. KAZINFORM – Almatylyq dárigerler mototsıkl qaǵyp ketken jumysshy áıeldiń jaǵdaıy týraly aıtty.

— Patsıent №7 qalalyq klınıkalyq aýrýhanaǵa kóptegen jaraqatpen aýyr halde tústi. Qazir reanımatsııa bólimshesinde barlyq qajetti medıtsınalyq kómekti alyp jatyr. Jaǵdaıy óte aýyr,— dep habarlady densaýlyq saqtaý basqarmasynan.

Eske salaıyq, túnde mototsıkl júrgizýshisi Rysqulov dańǵylymen batys baǵytta kele jatyp, aldymen jeńil kólikke soqtyǵysqan. Keıin qozǵalysy toqtamaǵan kúıde jol jumystaryn júrgizip jatqan 3 jumysshyny ( eki er, bir áıel adam) qaǵyp ketken.

Ókinishke qaraı, eki er adam oqıǵa ornynda kóz jumdy.