Almatyda moped pen polıtsııa ekıpajynyń kóligi soqtyǵysty

ALMATY. KAZINFORM – Almatyda tutas jolaqty kesip ótken polıtsııa kóligine moped soǵyldy.

Áleýmettik jelige shyqqan vıdeodan tutas jolaqty kesip ótken polıtsııa kóligine mopedtiń soǵylǵanyn kórýge bolady. Jelidegi jazbada atalǵan vıdeonyń kóptegen áleýmettik jeliniń kanaldarynan alyp tastalǵany jazylǵan. 

Almaty qalalyq Polıtsııa departamentiniń málimetinshe, jol apaty qalanyń Jetisý aýdanynda bolǵan. Shuǵyl shaqyrýǵa shyqqan patrýldik polıtsııa ekıpajy aldyn ala jypylyqtaıtyn shamdar men jaryq sıgnaldy daýys zoraıtqysh qondyrǵyny qosyp, belgilengen erejelerdi qatań saqtaı otyryp, keri burylý manevrin jasady. Jol qozǵalysyna qatysýshylar polıtsııa kóligine jol bergen. Alaıda, qoǵamdyq kólikke arnalǵan jolmen kele jatqan moped júrgizýshisi zań talabyn elemeı, patrýldik kólikpen soqtyǵysqan.

«Moped júrgizýshisi medıtsınalyq kómekten bas tartty. Jol apaty faktisi tirkeldi. «Chevrolet» avtokóliginiń júrgizýshisi jaýapqa tartyldy. Óndiristik materıaldar sotqa jiberiletin bolady», - dep habarlady qalalyq polıtsııa departamentiniń baspasóz qyzmeti.

Eske salaıyq, buǵan deıin Almatyda jol talǵamaıtyn kólikpen eki moped soqtyǵysyp, bir adam kóz jumǵan bolatyn. 

Sondaı-aq Qazaqstanda moped júrgizýshilerine jańa talaptar qoıylatynyn jazǵanbyz.