Almatyda monopolııa ekenin paıdalanyp, benzın satpaı qoıǵan janarmaı jelisi 542 mln aıypul tóledi

Prokýratýra «Petrosun» JShS qyzmetinen ústem jaǵdaıyn teris paıdalaný belgilerin anyqtady, dep habarlaıdy Kazinform.

Tekserý barysynda seriktestik monopolııalyq jaǵdaıyn teris paıdalanyp, jekelegen sýbektilerge benzın men dızel otynyn satýdy negizsiz shektegeni belgili boldy.

Bul ÁQBtK-niń 159-baby talaptaryna qaıshy keledi.

Prokýrorlyq qadaǵalaý aktisi boıynsha báseke salasyndaǵy ýákiletti organ kiristiń 5% mólsherinde aıyppul sala otyryp, ákimshilik hattama toltyrdy.

Almaty qalasynyń mamandandyrylǵan aýdanaralyq ákimshilik sotynyń qaýlysymen seriktestikke aıyppul salyndy. 

Apellıatsııa sot sheshimin ózgerissiz qaldyrǵannan keıin 542,9 mln teńge mólsherindegi aıyppuldyń búkil somasy memlekettik bıýdjetke tólendi.