Almatyda Momyshuly kóshesinde LRT qurylysyna baılanysty qozǵalys shekteledi
ALMATY. KAZINFORM – Almatyda jeńil relsti kólik (LRT) jobasyn iske asyrý aıasynda qurylys jumystarynyń bastalýyna baılanysty Momyshuly kóshesinde kólik qozǵalysyna ýaqytsha shekteý engiziledi.
Atap aıtqanda, Móńke bı kóshesinen Tóle bı kóshesine deıingi aralyqta kólik qozǵalysy úshin joldyń ortadaǵy eki jolaǵy jabylady. Qurylys jumystary kezeńinde qoǵamdyq kólikke arnalǵan arnaıy jolaq jumys istemeıdi, sondaı-aq beınebaqylaý kameralary bul jolaqqa shyqqan kólikterdi tirkemeıdi.
Ákimdik júrgizýshilerge jol júrý baǵytyn aldyn ala josparlap, atalǵan ýchaskede kólik qozǵalysynyń qıyndaýy múmkin ekenin eskertti.
Aıta keteıik, LRT birinshi kezeńiniń baǵyty Momyshuly kóshesi – Tóle bı kóshesi – Abylaı han dańǵyly – «Almaty-2» temirjol vokzaly baǵytymen ótedi. Depo Alataý aýdanyndaǵy Indýstrııalyq aımaqtyń ońtústik bóliginde ornalasady.
Jobanyń birinshi kezeńiniń jalpy uzyndyǵy 18,3 shaqyrym bolady.
Eske salaıyq, buǵan deıin Almatyda alǵashqy LRT jelisiniń qurylysymen aınalysatyn kompanııa anyqtalǵanyn habarlaǵan edik.
