Almatyda Myrzeken Qusymjanov turǵan úıge memorıaldyq taqta ornatyldy
ALMATY. KAZINFORM – Almatyda belgili hırýrg, memleket qaıratkeri Myrzeken Qusymjanov turǵan úıge (P. Chaıkovskıı, 178) eskertkish taqta ornatyldy.
1932 jylǵy 5 aqpanda Abaı oblysynyń Abyraly aýdanynda dúnıege kelgen dáriger ózi týǵan ólkede alǵashqy aýdandyq aýrýhana salǵyzýǵa muryndyq bolyp, Semeı polıgonynyń irgesin meken etken jerlesterine kúrdeli ota jasap tanylǵan.
Osy ólkede akýsherlik qyzmettiń damýyna da tikeleı yqpal etken.
1983 jyldan 1996 jylǵa deıin QR Áleýmettik qorǵaý mınıstriniń orynbasary qyzmetin atqardy.
Memorıaldyq taqtanyń ashylýynda burynǵy Densaýlyq saqtaý mınıstri Vasılıı Devıatko, UǴA akademıgi Vıacheslav Lokshın, sondaı-aq Asqarbek Qusaıynov, Qadyr Omarov, Keńes Úshbaev, Bolatbek Násenov, Maqqam Tólenov, Zulqaıyr Mansurov sııaqty professorlar sóz sóılep, estelik aıtty.
Myrzeken Qusymjanovty dárigerler dınastııasynyń bastaýynda turǵan adam deýge de bolady. Uly Súnııat Qusymjanov akademık B.Jarbosynov atyndaǵy ýrologııa ǵylymı ortalyǵynyń professory, joǵary sanattaǵy hırýrg-ýrolog, «Altyn qandaýyr» syılyǵynyń laýreaty bolsa, qyzy Janar Qusymjanova QR Prezıdenti Іs basqarmasy medıtsınalyq ortalyǵy Ulttyq gospıtaliniń vıtse-prezıdenti.
Eske salsaq, byltyr Tashkentte qazaqtan shyqqan tuńǵysh joǵary bilimdi áıel-dáriger Gúlsim Asfendııarovaǵa arnalǵan memorıaldyq keshen ashylyp, qulpytasy jańartylǵan edi.