Almatyda myltyq ustap júrgen er adam 15 táýlikke qamaldy

ALMATY. KAZINFORM – Almaty qalasynyń ákimshilik quqyq buzýshylyq ister jónindegi mamandandyrylǵan aýdanaralyq sotynda A.-ǵa qatysty usaq buzaqylyq faktisi (ÁQBtK-niń 434-babynyń 1-bóligi) boıynsha is qaraldy.

Sotta 26 naýryz kúni «L» kafesiniń janynan ótip bara jatqan adamdar A.-nyń myltyq ustap turǵanyn kórgenin, A. myltyqty alyp tastaý týraly usynysqa jaýap bermeı, sondaı-aq, ádepsiz sózder aıtyp, ózgelerge syılamaýshylyq kórsetip, qoǵamdyq tártip pen azamattardyń tynyshtyǵyn buzǵany anyqtaldy.

«Sotta A. óz kinásin moıyndap, istegen isine ókinish bildirdi. Sot ákimshilik jazanyń túri men mólsherin anyqtaý kezinde istiń mán-jaıyn eskerip, A.-ny ÁQBtK-niń 434-babynyń 1-bóligimen jaýapkershilikke tartý qajet dep tapty. Sot qaýlysymen A. usaq buzaqylyq jasaǵany úshin kináli dep tanylyp, 15 táýlikke ákimshilik qamaqqa alyndy», - dep habarlady Almaty qalalyq sottyń baspasóz qyzmeti.

Sot qaýlysy zańdy kúshine engen joq.

Eske salsaq, Almatyda pnevmatıkalyq myltyqty ustap júrgen er adamnyń ustalǵanyn jazǵanbyz.