Almatyda mı men bas súıeginiń týabitti aqaýy bar 6 balaǵa operatsııa jasaldy
Almatydaǵy №2 qalalyq klınıkalyq balalar aýrýhanasynda mı men bas súıeginiń aqaýymen týǵan balalarǵa biregeı operatsııa jasaldy, dep habarlaıdy QazAqparat tilshisi.
Klınıkanyń baspasóz qyzmeti atap ótkendeı, bas súıeginiń aýytqýy bar 6 qazaqstandyq balaǵa kúrdeli operatsııany Almaty men Sankt-Peterbýrgtiń jetekshi mamandary birlesip jasady.
Klınıkalyq kórsetkishter boıynsha 5 aıdan 3 jasqa deıingi kishkentaı qazaqstandyqtarǵa «Kranıosınostoz» kúrdeli dıagnozy qoıylǵan. Bul – neırohırýrgııalyq operatsııanyń eń kúrdeli túri, ol jumystyń dáldigin jáne dárigerdiń joǵary biliktiligin talap etedi.
Dárigerlerdiń aıtýynsha, kranıosınostoz dertiniń negizgi sımptomy – súıek tigisteriniń erte ósýine baılanysty paıda bolatyn bas súıeginiń mı bóliginiń deformatsııasy, bul keıinnen kúrdeli asqynýlarǵa ákelýi múmkin.
Bul patologııany ýaqytynda emdemese, balaǵa aıqyn gıpertenzııa sındromy, ustamalar, psıhıkalyq damýdyń artta qalýy, kórý nerviniń patologııasy, kórý qabiletin joǵaltý sııaqty qaýip tónedi. Ony emdeýdiń basty joly – bas súıektiń pishinin erte hırýrgııalyq túzetý. Bul patologııa 2000 balanyń bireýinde kezdesedi.
«Mundaı balalardyń ata-analary kóp jaǵdaıda Almaty qalasyndaǵy №2 QBKA-ǵa júginedi. Bizde aıyna orta eseppen osy patologııamen 15-ke jýyq ota jasalady. Osyǵan baılanysty óńirlik dárigerlerdi oqytý jáne olardyń mamandanýyn arttyrý ózekti. Osy master-klastyń maqsatynyń biri – elimizdiń óńirlerinde balalar neırohırýrgııasyn damytý. Sondyqtan bizdiń óńirlik áriptesterimiz bul patologııany óz betinshe jasaýy tıis. Bizge respýblıkamyzdyń barlyq óńirinen jáne taıaý shetelden bas shtattan tys balalar neırohırýrgtary, neırohırýrgtar, anestezıolog-reanımatologtar, operatsııalyq medbıkeler, jalpy sany 40-tan astam adam keldi», - dep atap ótti Almaty qalasynyń №2 qalalyq klınıkalyq balalar aýrýhanasynyń dırektory Marat Rabandııarov.
Bul is-sharanyń formaty erekshe. Bul drıllıng kýrsy men «shynaıy» hırýrgııany qamtıtyn Orta Azııa aımaǵynda ótkizilgen alǵashqy jáne ázirge jalǵyz master-klass. Beınekonferentsııa barysynda barlyq operatsııa zalda led-ekranda kórsetildi.
«Bizdiń oıymyzsha, qyzyqty format tańdalǵan. Dáris drıllıng-kýrspen birge boldy, ıaǵnı kranıosınostozdyń ártúrli formalary bar ota jasalynatyn balalardyń bas súıeginiń birneshe modeli jasaldy. Al bul kýrstyń qatysýshylary belgili bir hırýrgııalyq manıpýlıatsııalar jasaý múmkindigine ıe boldy. Mýlıajdar 3 D-prınterde jasaldy. Sodan keıin bul kýrs praktıkalyq onlaın hırýrgııamen, ıaǵnı shynaıv hırýrgııamen aıaqtaldy. Men mundaı formatty buryn Reseıde kezdestirmeppin», - dedi RF DSM «V. A. Almazov atyndaǵy Ulttyq medıtsınalyq zertteý ortalyǵy» ýnıversıtettik klınıkasynyń balalarǵa arnalǵan neırohırýrgııa bólimshesiniń meńgerýshisi Aleksandr Kım.