Almatyda meıramhana órtke orandy

ALMATY. KAZINFORM – Almaty qalasynyń Naýryzbaı aýdanyndaǵy Qaraǵaıly yqsham aýdanynda ornalasqan meıramhana ǵımaratynan órt shyqty.

Oqıǵa Begaıyl kóshesinde tirkeldi.

Órt sóndirýshiler joǵary dárejeli shaqyrtý boıynsha dereý jetip, oqıǵa ornynda órt sóndirý shtaby quryldy. Sýdy úzdiksiz berý qamtamasyz etilip, birneshe sý oqpany qoldanyldy.

Almaty qalalyq TJD málimetinshe, órttiń jalpy aýdany 625 sharshy metrdi qurady. Qabyldanǵan jedel sharalardyń nátıjesinde órt oqshaýlanyp, tolyǵymen sóndirildi.

Zardap shekkender týraly aqparat 112 júıesine túspegen. 

Resmı málimetke sáıkes, zardap shekkender joq.

Aıta keteıik, Almaty oblysynda qus fabrıkasy órtenip, bir adam qaza boldy.