Almatyda meıramhana órtendi

ALMATY. KAZINFORM – Almatyda Medeý aýdanynda ornalasqan «Chechıl» meıramhanasy otqa orandy. 

«18 qazanda 21:50-de Almaty qalasynyń TJD kúshteri men quraldary Medeý aýdany, Tólebaev 38 a mekenjaıyna joǵary dabyl boıynsha jiberildi. Qutqarýshylar eki qabatty meıramhananyń shatyry janyp jatqanyn anyqtady», - dep habarlady departamentten.

Kelýshiler meıramhanadan shyǵyp úlgerdi. 

Qazirgi ýaqytta gaz jáne tútinnen qorǵaý qyzmetiniń bólimsheleri barlaý jumystaryn júrgizip jatyr.

Tótenshe jaǵdaı ornynda 27 qutqarýshy men 8 tehnıka jumys istep jatyr.

Eske sala keteıik, buǵan deıin Almaty ákimdigi dámhanalardan shyǵatyn tútin máselesin qalaı retteıtini týraly jazǵan edik.