Almatyda meıramhana demalýshylaryn balaǵattaǵan sheteldik 5 kúnge qamaldy
ALMATY. KAZINFORM – Almaty meıramhanalarynyń birinde túsirilgen beınejazba áleýmettik jelide tarady.
Onda er adamnyń kórshi ústelde otyrǵan áıelge balaǵat sózder aıtqanyn kórýge bolady. Almaty qalasynyń Polıtsııa departamenti er adamnyń aty-jóni anyqtalǵanyn habarlady. Quqyq buzýshy Qazaqstan azamaty emes, Kanada azamaty.
- Azamattyǵyna nemese mártebesine qaramastan, Qazaqstan aýmaǵynda zań talaptary barshaǵa ortaq. Er adamǵa qatysty usaq buzaqylyq faktisi boıynsha ákimshilik is qozǵaldy. Sot sheshimimen Kanada azamatyna 5 táýlikke ákimshilik qamaqqa alý jazasy taǵaıyndaldy, - dep habarlady departamentten.
Polıtsııa elimizdiń aýmaǵynda júrgen árbir adam zań talaptaryn saqtap, aınalasyndaǵylardy qurmetteýge mindetti ekenin eskertti.
Eske salaıyq, Almatyda qoǵamdyq orynda balaǵattaǵan sheteldik 10 kúnge qamaldy.
