Almatyda metro jumysy qaıta jandandy
ALMATY. KAZINFORM – Almaty metropolıteni saǵat 16:30-dan bastap jumysyn jalǵastyrdy. Qazir shtattyq rejımde istep tur.
«Tótenshe jaǵdaı kezindegi jumys josparyna sáıkes, qaýipsizdikti qamtamasyz etý maqsatynda mamandar metro tonnelderin tekserý jumystaryn júrgizdi, metro aýmaǵynda eshqandaı buzylǵan tus bolmaǵan», - dep habarlady Almaty ákimdiginen.
Almaty qalalyq Tótenshe jaǵdaılar departamentiniń basshysy Nurlan Atyǵaev baspasóz máslıhaty barysynda, metro halyqty jınaıtyn jáne qabyldaıtyn oryn emes ekenin atap ótti.
«Kez kelgen jer silkinisi kezinde tirshilikti qamtamasyz etýdiń barlyq júıeleri toqtatylady - gaz berý óshiriledi, elektr energııasy ajyratylady jáne sáıkesinshe metro da toqtatylady», - dedi Tótenshe jaǵdaılar departamentiniń basshysy brıfıngte.
