Almatyda metro qaıtadan júre bastady
ALMATY. KAZINFORM — Almaty metropolıteniniń jumysy qalpyna keltirildi.
Qalada elektr qýatynyń ýaqytsha óshýine baılanysty Almaty metropolıteniniń jumysy toqtatylǵan bolatyn. Almaty ákimdiginiń málimetinshe, qazir elektrmen jabdyqtaý qalpyna keltirilip, metropolıten jumysy qaıta jandandy. Elektr poıyzdary qalypty rejımde júrip jatyr.
— Ýaqytsha qolaısyzdyq úshin jolaýshylardan keshirim suraımyz jáne túsinistik tanytqandaryńyz úshin alǵys bildiremiz, — dep habarlady ákimdikten.
Eske salaıyq, búgin Almaty men Almaty oblysynyń basym bóliginde jaryq óshti.
Almatyda jaryq óshýine baılanysty 9 baldyq keptelis paıda boldy.
Almatyda jaryq óshkennen keıin sý berý toqtady.
Sonyń saldarynan Almatynyń barlyq qyzmetteri kúsheıtilgen rejımde jumys istep jatyr.
Taǵy bir eskeretin jaıt — Kane Ýest kontsertine baılanysty Almaty metrosynyń jumysy uzartyldy. «Baıqońyr» metro beketi saǵat 21:00–de jolaýshylar úshin jabylady. Kontsertke kelýshilerge «Abaı» jáne «Muhtar Áýezov atyndaǵy teatr» beketterin paıdalaný usynylady. Metro jumysy keminde saǵat 01:00–ge deıin, al qajet bolǵan jaǵdaıda 03:00–ge deıin uzartylady.
