Almatyda metapnevmovırýs tirkelgen be

ALMATY. KAZINFORM — Almatyda metapnevmovırýs aýrýy tirkelgen joq. Bul týraly qalalyq sanıtarlyq-epıdemıologııalyq baqylaý departamenti málimdedi.

— Qazir qalada JRVI tobyna jatatyn metapnevmovırýs anyqtalǵan joq, — dep habarlady departamenttiń baspasóz qyzmeti.

Almaty qalasy boıynsha jedel respıratorlyq ınfektsııalardyń maýsymdyq ósýi baıqalady. Ótken aptada JRVI, tumaý aýrýlarynyń 12164 jaǵdaıy tirkeldi.

Osyǵan deıin Densaýlyq saqtaý mınıstrliginiń sanıtarııalyq-epıdemıologııalyq baqylaý komıteti metapnevmovırýstyń Qazaqstanda da taralyp jatqany týraly málimdegen edi. 

Al SQ-Farmatsııa elde metapnevmovırýsty emdeýge qajetti dári-dármek jetkilikti ekenin jetkizdi.