Almatyda merzimi ótken dári-dármekterdi qabyldaý pýnktteri ashyldy

ALMATY. KAZINFORM – Almatynyń 36 emhanasynda kádege jaratý úshinmerzimi ótken, paıdalanylmaǵan nemese ishinara paıdalanylǵan dári-dármekterdi tapsyrýǵa arnalǵan konteınerler ornatyldy. Bul týraly Almaty qalasy ákimdiginiń baspasóz qyzmeti habarlady. 

Bul ne úshin mańyzdy? 

Dári-dármekter-qaýipti qaldyqtar. Olardy durys tastamaý qorshaǵan ortaǵa jáne densaýlyqqa zııan tıgizýi múmkin. Belsendi zattar topyraq pen sýǵa túsip, ekojúıeler men adamdarǵa qaýip tóndiredi.

Ne tapsyra alasyz? 

Tabletkalar, kapsýlalar, maılar, kremder, gelder, ampýlalar, bótelkeler, sıroptar jáne suıyq eritindiler.

— Tapsyrar aldynda preparattardy tyǵyz paketke salyp, baılańyz. Qan bolǵan shprıtster, ıneler men medıtsınalyq qaldyqtardy tapsyra almaısyz — olar medıtsınalyq mekemelerde bólek joıylady, — delingen habarlamada.

Qabyldaý pýnktteri bar emhanalardyń tolyqtizimi EcoNetwork saıtynda qoljetimdi.

Aıta ketelik Ashat Aımaǵambetov elimiz dárilik zattardyń ımportyna batyp baratynyn aıtqan.