Almatyda merekede tirkeletin órttiń 18 paıyzy pırotehnıkalyq zattardan bolady

ALMATY. KAZINFORM – Almatyda jyl saıyn jańa jyldyq mereke kúnderi orta eseppen 11 órt jaǵdaı tirkeledi.

Almaty Tótenshe jaǵdaılar departamenti basshysynyń orynbasary Kárimjan Rahman pırotehnıkany paıdalaný kóbinese órt pen jaraqat alýǵa sebep bolatynyn atap ótti.

– Jyl saıyn Almatyda jańa jyldyq mereke kezinde orta eseppen 11 órt oqıǵasy oryn alady, olardyń shamamen 18%-y pırotehnıkalyq buıymdarmen baılanysty. Sońǵy bes jylda osyndaı sebeppen 57 órt tirkeldi. Bizdiń basty mindetimiz — osyndaı jaǵdaılardyń aldyn alý jáne qala turǵyndaryn qorǵaý, – dep atap ótti Kárimjan Rahman.

Jedel járdem qyzmeti dırektorynyń orynbasary Andreı Lojkınniń dereginshe, byltyr 18 adam, onyń ishinde 11 bala pırotehnıkany durys paıdalanbaý saldarynan túrli dene jaraqattaryn alǵan.

— Osyǵan baılanysty men ata-analardy mereke kezinde balalardy muqııat baqylaýǵa shaqyramyn.Biz balalardy otshashýlar men petardalardy ushyrýǵa jol bermeýdi usynamyz. Bul qaıǵyly jaǵdaılardyń aldyn alady, — dedi spıker.

Buǵan deıin habarlaǵanymyzdaı, pırotehnıkalyq buıymdardy zańsyz satqandarǵa 40 mln teńge aıyppul salyndy.