Almatyda mereke qarsańynda gúl satatyn 1150 saýda orny belgilendi

ALMATY. KAZINFORM – Almatyda 8 naýryz - Halyqaralyq áıelder kúnin aıasynda gúl satýǵa arnalǵan arnaıy saýda oryndary belgilendi.

2004 jyly 12 sáýirdegi №544-II «Saýda qyzmetin retteý týraly» Qazaqstan Respýblıkasynyń Zańyna sáıkes jáne aýdan ákimdikteriniń usynystary eskerile otyryp, qala boıynsha gúl satýǵa arnalǵan 1150 saýda orny anyqtalǵan. Bul týraly qalalyq kásipkerlik jáne ınvestıtsııalar basqarmasy habarlady.

- Gúl saýdasy 6-8 naýryz aralyǵynda qala aýmaǵyndaǵy arnaıy bólingen alańdarda uıymdastyrylady. Saýda ornyn alý úshin kásipkerler josparlanǵan saýda orny ornalasqan aýdan ákimdigine ótinishpen júginýi qajet. Bos oryn bolǵan jaǵdaıda kásipkerge gúl satýǵa ruqsat beretin qujat — memorandým rásimdeledi, - dep habarlady vedomstvo.

Basqarma ókilderiniń aıtýynsha, arnaıy belgilengen oryndardan tys jerde óz betinshe saýda jasaýǵa bolmaıdy. Osyǵan baılanysty kásipkerlerden belgilengen talaptardy saqtap, saýdany tek resmı aıqyndalǵan saýda oryndarynda júrgizý suralady.

Almaty qalasy aýdan ákimdikteriniń baılanys derekteri:

1. Alataý aýdany: Janqoja batyr kóshesi, 26, tel.: [phone];

2. Almaly aýdany: Tóle bı kóshesi, 67, tel.: [phone];

3. Áýezov aýdany: 8-shaǵynaýdan, 4B úı (Abaı BO), tel.: [phone];

4. Bostandyq aýdany: Aımanov kóshesi, 191, tel.: [phone];

5. Jetisý aýdany: Qulager shaǵynaýdany, Serikov kóshesi, 2A, tel.: [phone];

6. Medeý aýdany: Pýshkın kóshesi, 72, tel.: [phone];

7. Naýryzbaı aýdany: Shuǵyla shaǵynaýdany, 347, tel.: [phone];

8. Túrksib aýdany: Sholohov kóshesi, 9, tel.: [phone].

Eske salaıyq, buǵan deıin Almatyda 8 naýryz merekesi qalaı ótetinin jazǵanbyz.